أثر المعاصي

محمد جمال صقر

بابا سلام عليكم
هيا اسمها شكوت إلى مين سوء حفظي
فأرشدني إلي ترك المعاصي
وقال لي إن العلم نور
ونور الله لا يهدى لعاصى
وديع ولا بديع
وبعدين وقال لي ولا إيه
يا بااابااا اصحااا وردددد
صحيت الصبح النهارده بيرن ف دماغي البيت مش عارفة ليه
بس لقيت نفسي مش فاكرة كويس

عليكم السلام يا ست ريم هانم
ورحمة الله وبركاته
والله دا شيء جميل خالص
إن الكلام الجميل دا يرن ف دماغك
ودا بقى من الحكمة والا من الفضا
أصل الكلام بيرن ف الأماكن الخالية

😉 ;) ;) ;) ;) ;) 😉

شوفي
دول بيتين للإمام الشافعي رضي الله عنه
لما كان طالب علم زيك كدا
وجه عليه وقت ضعف فيه تحصيله

😉 *:"> يحمر خجلاً

يمكن اتشغل بحاجات مش ولا بد
زي اللي انتي مشغولة بيها ليل نهار لما هتضيعي مستقبلك
فراح يشتكي لأستاذه زي ما انتي بتشتكي لي
فبص ف عنيه كدا عرف كل حاجة

ليه كان مشغول بالشعر *:D ابتسامة شماتة

 

فراسة بقى زي اللي متوفرة عندي
أصل المؤمن بيشوف بنور الله

وأستاذه كان شاعر
بإيه *8-| يدير عينيه 

يزغر للحاجة كدا
يجيب أولها وآخرها
فراح ناصحه بالمفيد
فقوم إيه
قوم الشافعي وهو طبعا شاعر كبير مع كونه عالم كبير
قوم معبر عن نصيحة استاذه بالبيتين دول

يالاااااااااهوي *:O) مهرج
قول البيتييييييين بقااااااااه

“شكوت إلى وكيع سوء حفظي فأرشدني إلى ترك المعاصي
وأخبرني بأن العلم نور ونور الله لا يهدى لعاص”
ولأن المسلمين بيحبوا الإمام الشافعي رضي الله عنه
وحاطينه فوق روسهم وقازحين
فهم متاثرين بكلامه الصريح دا عن نفسه
وكانهم كانوا فاكرينه م الملايكة
وطلع من البنيآدمين
فانا بنقلك الموضوع بحذافيره
عشان تخلي بالك من حذافيرك
والله
شوفي والله
لو ضاع منك حذفور واحد
ما هتعرفي تجيبي زيه

Related posts

Leave a Comment