أثر المعاصي

27 مايو، 201527 مايو، 2015 محمد جمال صقر

بابا سلام عليكم
هيا اسمها شكوت إلى مين سوء حفظي
فأرشدني إلي ترك المعاصي
وقال لي إن العلم نور
ونور الله لا يهدى لعاصى
وديع ولا بديع
وبعدين وقال لي ولا إيه
يا بااابااا اصحااا وردددد
صحيت الصبح النهارده بيرن ف دماغي البيت مش عارفة ليه
بس لقيت نفسي مش فاكرة كويس

عليكم السلام يا ست ريم هانم
ورحمة الله وبركاته
والله دا شيء جميل خالص
إن الكلام الجميل دا يرن ف دماغك
ودا بقى من الحكمة والا من الفضا
أصل الكلام بيرن ف الأماكن الخالية

😉 😉 😉 😉 😉 😉 😉

شوفي
دول بيتين للإمام الشافعي رضي الله عنه
لما كان طالب علم زيك كدا
وجه عليه وقت ضعف فيه تحصيله

😉

يمكن اتشغل بحاجات مش ولا بد
زي اللي انتي مشغولة بيها ليل نهار لما هتضيعي مستقبلك
فراح يشتكي لأستاذه زي ما انتي بتشتكي لي
فبص ف عنيه كدا عرف كل حاجة

ليه كان مشغول بالشعر 

 

فراسة بقى زي اللي متوفرة عندي
أصل المؤمن بيشوف بنور الله

وأستاذه كان شاعر
بإيه  

يزغر للحاجة كدا
يجيب أولها وآخرها
فراح ناصحه بالمفيد
فقوم إيه
قوم الشافعي وهو طبعا شاعر كبير مع كونه عالم كبير
قوم معبر عن نصيحة استاذه بالبيتين دول

يالاااااااااهوي 
قول البيتييييييين بقااااااااه

“شكوت إلى وكيع سوء حفظي فأرشدني إلى ترك المعاصي
وأخبرني بأن العلم نور ونور الله لا يهدى لعاص”
ولأن المسلمين بيحبوا الإمام الشافعي رضي الله عنه
وحاطينه فوق روسهم وقازحين
فهم متاثرين بكلامه الصريح دا عن نفسه
وكانهم كانوا فاكرينه م الملايكة
وطلع من البنيآدمين
فانا بنقلك الموضوع بحذافيره
عشان تخلي بالك من حذافيرك
والله
شوفي والله
لو ضاع منك حذفور واحد
ما هتعرفي تجيبي زيه

موضوعات ذات صلة

• 

  11 ديسمبر، 2023 محمد جمال صقر 0

  اللغة العربية معناها ومبناها، للدكتور تمام حسان

  افْتَحْ، وَاقْرَأْ، وَنَزِّلْ! اللغة العربية معناها ومبناها، للدكتور تمام حسان

  كتبهم 

• 

  8 ديسمبر، 2023 محمد جمال صقر 0

  صديقي

  صديقي الذي في الخيال يقلِّدني ويعيد عليَّ المثالْ إذا ما تأنيتُ لم يتعجلْ وإمّا تعجَّلْتُ صالَ...

  مثلثاتي 

• 

  8 ديسمبر، 2023 محمد جمال صقر 0

  ثوبٌ يعرّينا، لأحمد بن هلال العبري

  أبيات بعد مرور شهرين من طوفان الأقصى،أعددتها لأمسية طوفان الأقصى في ولاية الحمراء،ولكن تأجلت لبعض الظروف،...

  قصائدهم